Euskal preso politikoen alde Anmistiaren Aldeko Mugimenduak antolatzen duen ibilaldia da Pausoz Pauso ekimena. Larunbatean, apirilaren 25ean izango da eta Azkoititik Zarautzerako bidea egingo dute eskualdeko hainbat eragilek. Eta eragile horien artean, ZarataZarautz osatzen dugun lagunak egongo gara.

Goizeko 10:00etan abiatuko da martxa Azkoitiko plazatik Azpeitiarantz. Azpeitiatik igaro ostean Zestoarantz joango dira. Zumaiara iristean, 14:30ak aldera, herri bazkaria egingo da eta bazkalostean, arratsaldeko 16:30ak aldera berriz ere martxari ekingo zaio. Getariatik igaro eta Zarautzen amaituko da ibilaldia. Arratsaldeko 19:30ak aldera Musika plazan izando da amanera ekitaldia eta baita indar berritzeko txotxa ere. Gauean kontzertuak egongo dira gaztetxean. “Egurra eta kitto”, “Fridays Crew” eta “Mercenarios” taldeek joko dute.

Honez gain, Arraio irratiak zuzeneko emankizuna egingo du goizeko 10:00etatik aurrera.

Beste astebukaera mugitu bat dute Zarauzko taldeek oraingoan ere. Ostiralean, Apirilaren 23an, kontzertua izango du MKT taldeak Azkoitiako Matadeixen. Honez gain, Humilitate taldeak ere Balmasedako herriko tabernan joko du Tres41 taldearekin.

Larunbatean berriz, Erantzun taldearen txanda izango da, Bermeoko Nuntxaku zentruan joko dute eta Urbangrind, Titadine eta Mitosia taldeekin.

Ostiral honetan ere kontzertu handia zarauzko Putzuzulo Gaztetxean. Aste honetan, Siervos de Nadie
Galiziarrak izango ditugu berriz ere. Frantziatik konzertu batzuk eman aurretik bisita egingo digute. MKT Zarauztarrak ere bertan egongo dira. Europan barrena egin behar duten birako aurreneko konzertua izango da, Galizarrekin Frantzian ibili ondoren, Belgika, Holanda, Alemania, Txekia eta Suitza zapalduko dituzte. Hauekin batera Sub Rats Bilbotarrak izango ditugu denboraldi luze batean kontzerturik eman gabe egon ondoren. Hau gutxi balitz, Belgradoko bi talde izango ditugu gure artean, Lets Grow eta Jaibo!.

Gaubela dotorea beraz ostiral honetan gaztetxean, 21:00k aldera hasiko dira kontzertuak, 1:00 bukatu behar bait dute.

Otsailaren 19an ospatu zen ZarataZarautz Festeko bideoak sarean daude iada. Bideoetan ez dira talde guztiak ateratzen baina guapoenak behintzat agertzen direla esan dezakegu jajaja. Gozatu ezazue!!!

INOR EZ vs MKT
DISKOIRAA vs ERANTZUN
DIRTAA vs METRALLETA

Otsailaren 16ko ZarataZarautz irratsaioan, Putzuzulo Gaztetxean burutuko den II. ZarataZarautz Festaz hitzegingo dugu. Ez dakizuenentzat, esan lehen bataila Lobato Etxean burutu zela. Bertan, bi eszenatokitan banatuta, Zarauzko 10 taldek joko dute, lehenik talde batek abesti bat joko du eta ondoren beste taldeak beste abesti bat. Horrela, talde bakoitzak 8 abesti joko ditu.

II. gerra honetan parte hartuko duten taldeak Metralleta, Diskoiraa, Ulu, Erantzun, Humilitate, Inor Ez, Burux Lee, MKT, Dirtaa eta Ezereza izango dira.

Astearte honetan, talde hauetako partaide batzuk izango ditugu gonbidatu gisa, B Jauna eta Lagun Izoztuarekin batera. Beraz ez ahaztu asteartean, gaueko 21:30etatik aurrera FMko 99.3a sintonizatzea edo internet bidez entzutea.

Astebukaera hau ere kontzertuz beterik dator. Hasteko, Abenduaren 11ean, Zarauzko Arrano tabernan, MKT Zarauztarrak eta Orioko Uteh taldeek joko dute. Gaueko 23:00etatik aurrera, bi talde hauen doinuez gozatzeko aukera izango duzue.

Honez gain, larunbatean, Abenduaren 12an eta Zarauzko Putzuzulo Gaztetxean, Terror Harris, Miranda de Ebroko talde berria izango dugu hardcore punk azkarra eginez. Bigarren taldea berriz, Punk rock melodiak ekarriko dizkigute eta Donostiarrak dira, beraien izena, The Dispositive. Kontzertua 22:30tan hasiko da.

Eta amaitzeko, Zallan ere Zarauztar talde batek joko du, Erantzunek hain zuzen ere. Bertan, Fly shit taldearekin joko du.

MKT eta Humilitate taldeek Orioko festetan joko dute Abenduaren 4an. Beraiekin batera, Oriokoak diren Uteh taldeak ere joko du. Kontzertua gaueko 22:30etan hasiko da, txosnetan.

Ekainaren 25, 26, 27 eta 28an Zarauzko San Pelaioak izango ditugu gure herrian. ZarataZarataZarautz webguneak beraz, oporraldi txiki bat hartuko du egun horietan, ratero eta bortxatzaileen artean festaz gozatzeko.

Gure partetik, festara hurbiltzea gomendatzen dizuegu, makina gauza eta ekintza izango ditugu egiteko. Baina bereziki, Ekainaren 27an izango den kontzertura gonbidatu nahi dizuegu. Bertan, Txixaparrazta talde mitikoaren berragerpena izango dugu. Dutxatu gabeko zikin hauek, kontzertua eskeiniko dute denbora batean isilean egon ondoren. Beraiekin batera, MKT-ko lagunaka ere izango dira, sentimenduz beteriko doinuak astintzen. Kontzertu hau, arratsaldeko 20:00etan hasiko da.

Beraz, webgune hau bisitatzen duzuenok, gonbidatuak zaudete San Pelaioetara.

MKT hirukote Zarauztarraren azken lana eskuragarri duzue iada. Kostatu zaigu, baina sarean dago jeisteko.

Diska, oso osorik jeisteko, klikatu ezazue HEMEN.

Aurrena Etsaiak izan zen, gero Subterranean Kids, hauen ostean Ama Say, Komando Tripontxik ere kontzerturen bat eman du eta orain Txixaparraztaren txanda iritsi da.

Bai, ez da gezurra, Rock Star batzuen moduan bueltan dira Zarauztarrak. Zarauzko San Pelaioak aitzakiatzat hartuta, kontzertua eskeiniko dute Ekainaren 27an, arratsaldeko 20:00etatik aurrera eta MKT taldearekin batera..

Garai batean, Erdoiztatik afeitatu gabe etortzen ziren. Oraingoan agian beraien bizarrak moztuta etorriko dira baina betiko nazka itsura emango dute eta beraien ahotatik oraindik eta nazka gehiago irtengo da. Nik badaezpada egun horretan aterkia eramango dut, agian aurpegira txixaparrazta egingo didate eta.