Kuadrila eguna dela eta
Tristuraz ikusi dugu denok azken urteetan Kuadrilla egunak eduki duen bilakaera, batez ere sortu zen garaitatik zenbat aldatu den ikusten delako. Kuadrilla eguna izena bera ere edukitzea merezi ez duen festa egun bat delako gaur egun. Hala ere aurten, dirudienez, hautsak inoiz baino gehiago harrotu dira, udaletxeak planteatu duelako pentsatzen ari dela antolakuntzarekin jarraitu edo ez. Gure aldetik honako erreflexioak plazaratu nahi genituzke.
Festa honen sorrera herritik izan zen. Herritik, herritarrek egina eta herriarentzat. Hori izan zen arrakastaren muina. Gazteek beraiek antolatuta ziren einean, identifikazio maila altua sentitzen zuten egun honekin eta ilusioa pizten zien jakiteak beraiek eragin zezaketen eremu bat zela jakiteak. Denborarekin ordea, lehenago azaldu ez zen faktore bat sartu zen beraien eremu horretara: udaletxea; edo hobeki esateko, udaletxe honek bultzatzen duen festa/antolakuntza eredua. Honekin iritxi ziren lehen oztopoak. Ta harritzekoa da hau esan beharra, suposatzen denean udaletxe bat herritarrei bitartekoak jartzeko dagoela, eta ez oztopoak. Baina ez zen hala suertatu eta egun hau antolatzen zutenak gero eta zailagoa zuten lehen aipatu dugun egoera hori herriko gazteei helarazteko: murrizketak, ekitaldiak egiteko debekua, baimenak, etabarrek bultzatu zuten ordurarteko giro ona gaiztotzea. Beste behin ere, udaletxea herritarrentzako oztopo bihurtu zen, baliabide bat izan beharrean. Eta honek desinteresatuki eta inongo irabazi asmorik ez zuen jendea uxatu zuen, festa honen bihotzera zuzenki erasoaz. Eta emaitza azken 6 urteotako kuadrilla egunetan ikus dezakegu.
Azken urteetan, udaletxearen eskumena izan da egun hau antolatzea eta bere ereduari jarraiki, diruan oinarritutako politika aplikatu du egun honen arrakasta bilatzeko (hasierako egun hoietako arrakasta). Baina nahiz eta garbi ikusi den eredu horrek porrot egingo duela behin eta berriz, halaxe jarraitu dute. Azken Kuadrilla egunerako adibidez, Xakela Gaztetxe Asanbladari gaueko kontzertuak antolatu zitzan eskatu zion, eta horretarako 4000 €-ko diru kopurua eskura genuela jakinaraziz!!!!. Gure erantzuna ezezkoa izan zen, hainbat arrazoi medio.
Lehena, ez dugulako beharrezkoa ikusten halako dirutza erabiltzea egun horretarako kontzertuak antolatu behar izateko eta gainera, festa ez duelako kontzertu batek sortzen. Egun horren espiritua ez da parranda soilik, espiritua kuadrillen arteko erlazioak indartzean datza, kuadrillek beraiek antolatutako egun batekin, eta kondizio horiek ematen ez diren bitartean, Gaztetxe asanbladak ez du inolako asmorik paripe horretan parte hartzeko, ezta bere izena halako ekitaldiekin lotzeko. Gainera, zer iritzi edukiko dute herriko auzo elkarteek edo San Pelaioak eta Euskal Jaien antolakuntzan ibiltzen den Gurekin Jai bezelako elkarteek, beraiei urtez urte diru laguntzak murriztu, aurrebaldintzak gogortu eta mila oztopo gainditu behar dituztenean, ikusita egun bakar baterako 4000 € daudela kontzertuak antolatzeko soilik? Ta noski, soinuaren aurkako inolako limitadorerik gabe…..
Bigarren arrazoia, antolakuntza ereduan dago. Guk sinisten dugun antolakuntza eredua partehartzailea, parekidea eta herrikoia izatean datza, Kuadrilla komisioak hasieran betetzen zituen baldintzak. Aldiz, udaletxe honi (eta aurrekoei) ez zaie gustatzen beren herriko gazteak organizatzeko kapazak direla ikustea eta beraiek kontrolatzeko beharra du, bestela, ezin dute justifikatu herriarentzako egiten dutela lana. Eta garbi ikusi da bigarren aukera horrek zein ondorio dituen: festa herrikoi arrakastatsu bat zena, festa instituzionalizatu eta triste batean bihurtu dute. Eta zoritxarrez, herri honetako denak sufritzen dugu beraien inkonpentzia.
Gure nahia, hurrengo urteei begira, hasierako espiritu horretara ahal den gehiena itzultzea litzateke, eta horretarako, bi kondizio eman behar dira. Bata, gazteok egun horri begira ditugun gogo eta asmoak plazaratzeko kuadrilla komisio bat sortzea, ahal den gazte kuadrilla gehiena elkartuaz, festa egun hori mantzentzeko gogoa baldin badago oraindik gazteon artean. Eta bigarrena, udaletxeak ulertzea ez duela zertan gazteei eragiten egon beharrik, gazteok oso gai garelako nahi duguna antolatu eta aurrera eramateko eta bere rol-a baliabideak ematea dela, ez oztopoak eta betebeharrak jartzea. Horretarako egin behar duten gauza bakarra, beraien eskuartzea horretara murriztea da.
Espero dugu, benetako borondatea baldin badago, emango zaiola irteera on bat problematika honi, eta Xakela Gaztetxe Asanblada gustora azalduko litzateke beste eragile bat gehiago bezala, garai zaharretako espiritua duen Kuadrilla Komisio batetara. Kuadrilletatik sortu, kuadrillek egiña eta kuadrillentzako den Kuadrilla egun bat antolatzeko asmoz.
Gaztexeko 4. urteurreneko egitaraua
Putzuzulo Gaztetxearen 4. urteurrenaren bideo eta aperitifaren ostean, hemen duzue Urriaren 30etik Azaroaren 22ra arte Gaztetxean izango duzuena:
Putzuzulo Gaztetxeko 4. urteurreneko bideoa ikusgai!!
Aurreko urteko urteurreneko egitarau aurkezpen bideoak izan zuen arrakasta eta gero aurten ere Putzuzulo films-eko aktore, zuzendari, kameralari eta gidoilari denak martxan jarri gara aurtengo urteurreneko bideoa osatzeko…. Pelikula hobeto esanda! jejejeje.
Bertan Putzuzuloren 4.uteurren honetan izango ditugun ekintza gehienen berri ematen dizuegu: 4 urte = 4 aste ekintzaz josita!!!
Eta muxu handi bi jasoko dituzue urteurrenean parte hartzen baduzue… jakin denetzat tokia dagoela bai ikuskizunak ikusteko eta baita gauzak antolatzen eskutxo bat botatzeko…. baina batez ere putzuzuloz gozatzeko.
Epaiketa irabazi dugu
Kaixo Lagunak:
Albiste onekin gatoz gaurkoan. Jakingo duzuen bezala aurreko hilean Putzuzulo Amets fabrikako kide bat epaitua izan zen. Putzuzulo gaztetxearen okupazioa zela eta epaitu zuten. Epaitu ziguten.
Gaur atera berri da epaia eta Absolitu egin dute. Absolitu egin gaituzte. Beraz, ez dago multarik ez eta deliturik ere. Garaipen txiki bat (edo ez hain txiki) putzuzulotarrontzat!! okupazioa ez da delitua eta putzuzulori bizitza ematen jarraituko dugu gogotsu!!!
Bi milloi esker epaiketaren kontu honekin prentsaurrekoan, bizikleta martxan, pegadan, epaiketan eta beste ekintzetan parte hartu zenuten guztioi. Beste behin erakutsi dugu denok lan eginda ez gaituztela geldituko. ZORIONAK PUTZUZULO ETA PUTZUZULOKO XAKEL GUZTIEI!!! gora gu ta gutarrak rediox!!!!!
Xakela Gaztetxe Asanblada
Transicion taldea Putzuzulon
Kaixo lagunak!!
Hementxe gatoz pare bat kontu kontatzera. Ekainan sartu gara eta ekainako egitaraua prestatzen ari gara… baina hori prest izan bitartean hemen bihar bertan putzuzulon izango dugun ekintza baten informazioa. Bihar 21;00tan hasita TRANSICION talde bartzelonarra izango dugu gurean. ekkaia, leathershit edota disface bezelako taldeetan aritutako musikariek osatzen dute TRANSICION. punk rock psicodelicoa egiten dute eta lehen aldiz izango da duela gutxi sortutako talde hau. Beste talde bat ere lortu nahian gabiltzan beraz posible da gaur bigarren talde bat lotzea. azken unean lotutako kontzertua izaki eskertuko genuke zuen inguruan zabalduko bazenute mezua! eskerrik asko
Eta gogoratu aurreko ostiralean izandako asanblada arrakastatsuan komentatuta bezela OSTIRAL HONETAN PRENTSAURREKOA IZANGO DELA 19:00TAN MUNOAN. eta beharrezkoa dela ahalik eta jende gehien elkartzea!!! beraz eraman zuen lagun, senide, bizilagun eta lankideak…. TXOSNAK BIZIRIK!!
EMAN ATXIKIMENDUA TXOSNEN ALDE: http://gurekinjai.mundua.com/atxikimenduak/
