[Mozilla] Fiirefox 2, Izenpe eta Gipuzkoako foru aldundia

[Ander Elortondo]

Aupa!

  Sustatun osakidetza dela eta administrazioaren IErekiko menpekotasunaz 
aritu ginen. ikus http://www.sustatu.com/1161932615

Nik kexa ofiziala bideratu nion foru aldundiari eta erantzuna gaur jaso 
dut.  Asmo onak dituzte bederen.

 Hona hemen galdera eta erantzuna:

*Erreferentzia zenbakia: ZB6E-4P6B-BI4A-5M4Z-L4IN-4IGP-Y7TP-WXYJ-2DEA*

*1.- BEHARTZEN DUEN ERANTZUNA:*

ANDER ELORTONDO DEBAGOIENEKO MANKOMUNITATEA ARRASATE

*2.- KEXA / IRADOKIZUNA EGUNA:* 2006-10-27

*3.- EGINDAKO KEXA / IRADOKIZUNA:*

 Ziurtagiri digitalak ez du Firefox nabigatzailearekin funtzionatzen.

 GLINUX distribuzioa egin behar badu Foru Aldundiak Gipuzkoako 
administrazioa garenontzat, zein da zuen aurreikuspena Internet Explorer 
Linuxen instalatzea??

*4.- ERANTZUNA:*

Lehenik eta behin, eskerrak eman nahi dizkizugu zure kexa bide hau 
erabilita helarazteagatik.

Egia da. Gaur egun guztiz ezinezkoa da Ogasunatarian ziurtagiri 
digitalaren bitartez norbera autentifikatzea nabigatzailea Internert 
Explorer ez bada, sinadura ActiceX baten bidez egiten baita.

Hala ere, Aldundi honetan pertsona asko eta asko guztiz inplikatuta 
gaude gure zerbitzu guztiak gero eta eskuragarriagoak izan daitezen, 
eta, jakina, merkatuan gehien erabiltzen diren tresnekin baliatu ahal 
izatea nahi dugu. Zalantzarik gabe, Mozilla Firefox tresna horietako bat da.

Gaur egun, sinadura Izenpek ematen duen Active X baten bitartez egiten 
da. Dena den, harremanetan jarraitzen dugu entitate horrekin 
Ogasunatarian beste teknologia bateragarriak ere sartu ahal izan 
daitezen, helburua baita ez behartzea Gipuzkoako zergadunak eta 
administrazioak nabigatzaile jakin bat erabiltzera.

Jaso agur bero bat.

I.A.