Pasa den astean Gaur8rako artikulu bat idatzi nuen sare neutraltasunaren inguruan. Arazo teknikoren baten ondorioz edo berandu ibili nintzelako, batek daki, Txopik prestastu zidan irudia ez zen argitaratu eta pena eman zidan, irudia espreski egin zidalako korrika eta presaka azken momentuko jabber elkarrizketa batean.
Irudiak euskaraz sare neutraltasuna galduko balitz izango genukeen arazoetako bat azaltzen du ulertzeko modu errazean eta lizentzia egoki batean. Beraz hor irudia, svg fitxategia eta nire eskerrik beroenak Txopi!!
Irudia formatu bektorialean
Mexiko-n nabil egunotan eta CTC deitzen dioten egoitza batean pasatzen ditut orduak trenak espiatzen. Sare berezi bat dugu gela hontan beste ordenagailuetatik kanpo. Kanpora irteteko FortiGate 60B router bat, firewall eta guzti. Firewall honek hainbat helbide mozten ditu, batzuk kriterio onekin (twitter, facebook, tuenti, marca) eta beste batzuk ez (librezale, musikherria). Kuriosoa egiten zait adibidez Librezale “Advocacy Organizations” etiketapean egotea eta Mundurat adibidez libre egotea. Baina gaur frogak egiten gauza kurioso bat topatu det. Jozak paeta.
Azkenaldian idatzi gabe ibili ondoren, azken txangoaren berri ematea tokatzen da. Bruselatik bueltan Thalys-en AHT batean DUTen txapa soinuak entzuten noa, etxera buelta nolabait animatu behar delakoan edo. Azken aldian handik honan nabilenaren inpresioa det gainean baina ez da bidai honekin amaituko. Astebete Bruselan pasa ostean Euskal Herrira iritxi eta bertatik bueltan Mexikora noa, hilaren 10tik martxoaren 1a bitartean, gutxienez.
Bruselara iazko FOSDEMaren esperientziak utzitako zapore gazi-gozoa kentzeko balio izan dit. Ume txiki baten moduan ibili nintzen Belgikan egin genituen 48 orduetan eta minutu gehienak aprobetxatzen saiatu arren, oso denbora gutxi izan zen eta ezin hiriaz nahi adina gozatu. Aurten hori konpontzeko asmoz, 8 eguneko txangoa izan da, asteburua soilik izan behar.
Zentruko pixu batean montatu degu operazio basea eta beheko pixuan Euskal Herriko errefortzuak genituen. Lehen egunak Belgikako hainbat hiri bixitatzeko aprobetxatu genuen (Oostend, Brujas, Anberes eta Gent) eta ondoren Bruselan bueltaka ibiltzeko, parrandak tartekatuz. Bertako gastronomiaz gozatu (txokolateaz eta pixu pareko restaurante greko eta italiarrez), edari tipikoekin berotu (ezin zerrendatu esku hartetik pasa diren garagardo izen guztiak, baina denak izugarriak), transporte publikoan galdu eta bertako fauna autoktono ezarekin nahazteko patxada izan degu.
Azken asteburua aldiz FOSDEMera mugatu da, ahal bezain beste gauza ikusi eta ikastera, ezagunak nonnahi topatze nituen bitartean. Konferentziak bikain egon dira, antolakuntza zoragarri eta eguraldia lagun, ezin ezerrek huts egin! ULB unibertsitatean ez geunden bitartean Grand Place-n ‘frikien’ bila ibiltze giñen, askori kilometro t’erdira igertzen zaielako FOSDEM zaleak direla. GNOMEko kamixeta polit batekin nator etxera zarauzko musika plazan norbaitek topatu nahi banau.
Baina amaitu da. Orain etxera, maletatik gauzak atera, garagardoak hozkailuan sartu, txokolatearen banaketaren logistika planeatu eta bihar lanera. Lanera joan, enpresan egin diren lan elkarrizketak nola joan diren ikusi, azken kode aldaketak igo/jaitsi eta berriz maleta egitera. Mexikon dugun proiektuaren balidazio bat medio berriz joan behar dena ongi irten dadin ziurtatzera. Azken bidaian ezin izan genuen behar bezain beste frogatu “istripu” baten ondorioz eta orain froga haietaz gain berri batzuk. Espero dena ongi joatea eta martxoko lehen astean etxeko giroaz gozatu ahal izatea.
Beti esan det udazkena dela neretzat urteko sasoirik onena. Agian ni jaio nintzelako da, agian hego haizez itsasoa politago ikusten dudalako da, edo lurreko hosto lehorrak zapaltzean entzuten diren doinuek lasaitzen nautelako. Batek daki. Kontua da udazkena aldaketa garaia izaten dela, edo nik behintzat horrela ulertzen dudala.
Bi urte ta pikuz nere etxe izan den Bull eta bezero izan den Eroski utzi eta abentura berri batean murgiltzen naiz. Elorriotik Donostiara. Multinazional eta kooperatiba batetik startup txiki batera. Sistemak administratzetik programatzera (fase hontan behintzat) nagusiki. Giro erdaldunetik euskaldunera. Eta lehen lanegun moduan Mexikora bidaia, aste t’erdiz gutxienez.
Bull-en gustora ibili naiz. Lankide jatorrak izan ditut eta beti erakusteko prest zeudenak. Gehienak 50 urtetik gorakoak izanik, gustora entzuten nituen 70-80. hamarkadako kontuak. Nork esango luke Eroskin ia garai hartako sistema bat dagoenik oraindik! Pena bakarra “hildako” proiektu batean denbora gehiegi egon izana da, ezer berririk egin gabe, eman ahal nituen guztiak aprobetxatu gabe.
Eroskiri buruz aldiz liburu oso bat idatz nezake. Laburbiltzen, ez zait kooperatibako giroa gustatu, ez sartu nintzeneko bonantza garai haietan ez gaur egun duten egoera txarrean. Jende jatorra esku bateko hatzez zenbatu ahalko nuke kasi. “Externoa” izanik nahiko mugatuta zaude bertako bizitzan eta bigarren mailako langile bat zarela argi geratzen da, eta bestela lasai, gogoraziko dizute. Horrenbeste jenderen artean gauza xelebre asko ikusi ditut baina beti egin zait arraroa formakuntza handirik gabeko batzuk goiko postuetan ikustea, esku artean zer duten ere ideiarik gabe, haizeak nondik jotzen duen ere ez dakitela. Bihotzez espero det hori IT departamendua bakarrik izatea, ze denak horrela badira, jai dute. Gehiago jakin nahi duenak twitter bidez botatzen nituen mezuak irakurtze besterik ez du.
Baina tira, orain etorkizuna da garrantzitsuena. Lankide guztiei zorte on desiatu ondoren, ordu gutxi barru Hondarribitik hegazkina hartu eta Madrilera noa. T4 terminalean pixkat nazkatu eta 12 orduko bidaia putzuaren bestaldera, Mexico City-ra. Bertan trenekin eta hauen segurtasunarekin zer ikusia duen proiektu bati heldu behar diot, edozein errekor gaindituko lukeen abiaduran gauza gehiegi ikasten ditudan bitartean.
Handik itzultzean esku artean ditudan hainbat proiekturi eutsi ta beste batzuei hautsak kendu beharko dizkiet. Etxetik gertuago egonik eta ordutegi hobeaz arazo handirik ez izatea espero det!
Mila esker azken bidaia hontan esku bat botatzeko prest egon diren guzti hoiei. Ez det uste hau sekula irakurriko dutenik baina tira, aupa zuek!
Astebetez Madrilgo beroak jasaten ibili ostean, RHCE agiria lortu det, “crown jewel of Linux certifications” izenez ere ezagutua. Red Hat ez da inondik ere nire banaketa gustokoena, Gentoo eta Debian nahiago ditudalako, baina lan kontuetan ez da beste erreferenterik kasi.
Azterketa ez da zaila; 3.5 ordutan burutu beharrekoa eta dena kontrolpean izanda azken ordu erdia libre ’soberan’ dago kasi. Urteetan GNU/Linux erabili duten administrarientzat azterketa xinplea da baina badira SELinux bezelako kontu batzuk egunerokotasunean oraindik ikutzen ez direlako pixkat arrotzak egiten zaizkigunak.
Norbait noizbait animatzen bada eta kezkarik badu edo kuriositate morbosoa soilik, nire experientzia gustora kontatuko nioke. Ezin azterketaren ingurukoak idatzi, konfidentzialtasun klausula bat sinatu behar delako (flipaus!).
Ea orain honi esker lan kontuak hobetzen diren!
Etxean Debian darabilen zerbitzari txiki bat det, oso kontsumo baxukoa (Via C7 bat), ta bizpairu makina handixeago gauza ezberdiñetarako. Zerbitzaria laborategi txikia izateaz gain p2p bezero bezala erabiltzen det mldonkey zerbitzaria erabiliaz eta honekin jaitsitakoak beste makinetan irekitzen ditut. Jaitsitako diskoak zein ripeatutako KDak batetik bestera kopiatzen ibili beharrean ‘zentralizatua’ edukitzea bururatu zait eta hauek samba/NFS bidez partekatu beharrean hortik barrena bilatzen hasita irtenbide hobea topatu det: DAAP.
Protokolo hau Apple-ek iTunes 4.0 bertsioan kaleratu zuen eta sare lokalean inolako konfiguraziorik gabe musika partekatzeko balio du. Horretarako Zeroconf teknologia erabiltzen du, sare lokaleko makinetan zerbitzuak iragartzeko IPa zein den axola gabe adibidez. GNU/Linux makinetan teknologia hau Avahi izena duen aplikazio baten bitartez erabiltzen da, Windows-en aldiz Bonjour deituriko aplikazioa dago.
DAAP zerbitzaria montatzea uste baino errezagoa izan da, Debianen behintzat. Nahikoa da zerbitzarian honakoa idatzi eta kitto.
# apt-get install mt-daapd
Honek mt-daapd zerbitzaria instalatzeaz gain avahi ere instalatu eta abiaraziko du. mt-daapd aplikazioak, orain Firefly Media Server izenpean ezagutzen denak, konfigurazio fitxategi xinple eta bakarra dakar
/etc/mt-daapd.conf
Eta baita webgune interfaze eroso bat http://zerbitzaria:3689 helbidean. Nahikoa da webgune bidez edo aipatutako fitxategian gure audio fitxategiak non dauden esan
mp3_dir = /home/media/music
eta gorde ostean zerbitzua berrabiaraztea.
# /etc/init.d/mt-daapd restart
Hau egin ostean iTunes irekita eta Bonjour aktibatua badago (lehenetsia da horrela) elkarbanatutako audio fitxategiak agertuko dira. Berdina gertatuko zaigu rhythmbox aplikazioarekin adibidez, beti ere DAAP euskarria gaituta badauka pluginen artean.
iTunes 8.0.2 Debianen mt-daapd erabiliaz partekatutako audio fitxategi batzuk erakusten
Arazo bakarra parteketutako abestiak ezin ditudala iTunes bidez nere iTouch-era pasa, baina posible det rhythmbox-ekin nere iPod Mini zarrera pasa. Honek esan nahi du GNU/Linux-ek jailbreak gabe dauden iTouch-en sistema desfrizatzea lortzen denean lasai asko kopiatu ahalko ditudala abestiak, bitartean itxarotea besterik ez daukat. IRCan topatu nuen garatzaile baten hitzetan hilabete bat edo bi, ea egia den! Apple-eko abokatuek Ipod Hash proiektua DMCA takedown agindu batekin itxi ez balute agian aspaldi lortua genuen…
Liferea RSS eta Atom jarioak irakurtzeko aplikazio oso erabilgarria da. Zenbait aukera aipatzearren berriek dituzten iruzkinak kargatzeaz gain (meneame-ko flame-ak eta kazeta.info-ko iruzkinak irakurtzeko adibidez), gehiegi erabiltzen ez dudan Google Reader-ekin sinkronizatzeko aukera ere baduen tresna da, lanean beti abiarazia dudana, munduan eta inguruan zer den eta zertan gabiltzan jakiteko balio didana.
Behin lanean aspertuta, GeoRSS euskarria zuten jarioetan mapatxo bat erakustea zein zaila izango zen bururatu zitzaidan, eta nire C ezagupen urriak, xslt okerragoak eta garatzaile nagusien pazientzia tonatxo batekin lortu dut eta dagoeneko kaleratu dute feature hau dakarren 1.5.11 bertsioa (ala ere datozen egunetan irtengo den 1.5.12ak euskarri hobea du).
Liferea-1.5.12 bertsioan Meneame-ko berri bat erakusten
Liferea-1.5.12 tagzaniako jario geolokalizatu bat erakusten
Hasieran Google Maps zerbitzua erabiltzen hasi nintzen, baina azkenean nahiago izan det OpenStreetMap erabiltzea, bestea bezain osoa izan ez arren librea, gakorik behar ez duena, denona eta denontzat delako!!! Beraz, berria gertatu aurretik hasi herriko mapa txukun usten! 
Askatasun digitala diot, baina gaurkoan ez naiz GPL, LPGL, BSD, Apache, Affero, CC eta antzerakoez mintzatuko.
Gaurkoan idatziko dudana hainbat hilabeteetan egon da horrelaxe, duen “arazoarekin”, baina oraindik ez dirala konturatu dirudi. Tira, denok egiten ditugu akatsak programatzerakoan, estatistika hutsa da eta adibide bezela hor daude nire proiektu guztiak, ziur dexente topatzeko aukera izango dela. Baina honek grazia egiten dit, hack txiki bat iruditze zaidalako… ze nork imaginatuko luke libertaddigital atari kuttunean…
… herriko munipak tronpoak egiten ikusiko nituenik!
… Su Ta Gar-en jarraitzaileak zirenik!
… adierazpen askatasunaren alde Hitz Egingo zutenik!
… euskal selekzioen alde egingo zutenik!
Tira… eta horrela youtubeko bideo guztiak ikusi arte ;P
Laneko proiektu baten ondorioz python behar dut zenbait AIX makinetan. Lehen frogak AIX-5.2 bertsio baten gainean egin ditut eta ondo joan zaizkit. Nola instalatu idatziko det nonbait apuntatzeagatike ta beste batzuei bizitza errazagoa edo egitekotan.
Lehenik eta behin python-ek dituen zenbait dependentzi lortu behar ditugu:
$ wget ftp://ftp.software.ibm.com/aix/freeSoftware/aixtoolbox/RPMS/ppc/db/db-3.3.11-4.aix5.1.ppc.rpm
$ wget ftp://ftp.software.ibm.com/aix/freeSoftware/aixtoolbox/RPMS/ppc/readline/readline-4.3-2.aix5.1.ppc.rpm
$ wget ftp://ftp.software.ibm.com/aix/freeSoftware/aixtoolbox/RPMS/ppc/gdbm/gdbm-1.8.3-2.aix5.1.ppc.rpm
$ wget http://www.oss4aix.org/download/latest/aix52/openssl-0.9.8i-1.aix5.1.ppc.rpm
Ondoren hauek instalatu rpm pakete kudeatzailea erabilita:
$ rpm -i db-3.3.11-4.aix5.1.ppc.rpm readline-4.3-2.aix5.1.ppc.rpm gdbm-1.8.3-2.aix5.1.ppc.rpm
# openssl-k agian arazoren bat eman dezake aurretik sisteman aurkituko delako.
# Kontutan izan 0.9.7 bertsiora linkatzen duten aplikazioak berkonpilatu beharko direla
$ rpm -i --force openssl-0.9.8i-1.aix5.1.ppc.rpm
Dependentzia guztiak sisteman ditugun unean python deskargatu eta instalatu besterik ez dago:
$ wget http://www.bullfreeware.com/download/wpar_tt/python-2.3.4-2.aix5.1.ppc.rpm
$ rpm -i python-2.3.4-2.aix5.1.ppc.rpm
Eta instalazioa frogatu nahi badugu nahikoa dugu adibidez froga.py fitxategi bat sortu eta kode honekin betetzea:
import os
for files in os.walk('/tmp'):
print files
Exekutatu:
python froga.py
Eta kitto!
Pasa den azaroaren 3an Clamav antibirus famatuaren bertsio berri bat kaleratu zen. Nik uste clamav dela UNIX munduan dagoen antibirusik ezagunena eta mundurat-eko posta zerbitzarian primeran dabilkigu. Egia da ez duela lan gehiegirik birus eta phishing mezu gehienak DNSBL zerrenden eta Postgrey-ren bitartez deskartatuak direlako baina aurrekoekin filtratzen ez diren mezuentzat oso emaitza ematen digu (%100 esatea gehiegi izango da agian, phising kasuak nahiko zailak direlako atzematen, baina ez da urruti izango).
Debian Volatil proiektuari esker gure Debian Etch bertsiodun zerbitzarian azken bertsioa (0.94.1) instalatu berri dut. Ohikoak diren bugfix eta hobekuntzen artean zerbitzariak atzeman dituen birusen estatistikak zuzenean clamav-en gunera bidaltzeko aukera dago eta herrialde kode baten bitartez une oro eta herrialdekako birusen estatistika global bat sortu dezakete.
Aktibatzea oso erraza da eta nahikoa da bi fitxategitan lerro pare bat gehitu edo aldatza:
- /etc/clamav/freshclam.conf
# clamd.conf fitxategia non dagoen kokatua
SubmitDetectionStats /etc/clamav/clamd.conf
# zerbitzaria zein herrialdetan dagoen.
# ezarri ezean iana.org-en datubasean zerbitzariaren IPa nongoa den bilatzen saiatuko da
DetectionStatsCountry es
- /etc/clamav/clamd.conf
# log fitxategia non kokatua dagoen
LogFile /var/log/clamav/clamav.log
# log fitxategian detekzio datak gordetzeko
LogTime true
Gero eta jende gehiagok aktibatu gero eta hobeak izango dira estatistika ‘anonimo’ baina erreal hauek.
