Ieup gazte asanblada eta astrako koordinadora

Portada atalean zaude

Berria. 2010/03/13
GERNIKAKO JARDUNALDI INDEPENDENTISTAK

Aupa gazte!!

Dakizuen moduan Martxoak 13an GERNIKAKO JARDUNALDI INDEPENDENTISTAK burutuko dira. Hori dela eta gonbidapen hau luzatu nahi dizugu bertan parte hartzeko. Oso garrantzitsua da ahal denik eta gazte gehien bertaratzea, zure iritzia eta ikuspuntua beharrezkoa zaigu, guztion artean gure eskualdearen orainaz eta etorkizunaz mintzatuko baikara, gazteon ikuspuntua beharrezkoa baita eskualdeko etorkizuna Independentziatik eta Independentziarantz eraikitzeko.
Jardunaldi hauetan gure egunerokotasuna osatzen duten esparru guztietako independentzia beharraz arituko gara, lanean, ikasketetan, aisialdian... Ezinbestekoa da esparru guztietan independentzia aldarrikatzea gazteok gure herrian jokatzen dugun papera erabakigarria baita gure etorkizunaren eraikuntzan.

Espero dugu Martxoak 13an elkar ikustea, guztion artean lortuko dugulako etorkizuna geurea izatea!!!

GOAZEN INDEPENDENTZIARA!!!!

pdt:kontzertuetariko bat GOSE.

Argazki galeria ikusi

Berria. 2010/03/06
NIEBLA gaztetxien

Berria. 2010/03/02
Ari gara aldarrikapena!

Informazio gehiago: independentistak.net

Berria. 2010/02/22
Otsailaren 22tik 28ra poesia astea egingo da gaztetxean

Otsaileko azken astean poesia astea egingo da Gernikako gaztetxean eta hauek izango dira bertan: Amaia Jauregizar, Jose Luis Otamendi, Xabier Montoia eta Ana Cibeiraren errezitaldiak, Poesia komuneko paperean emanaldia, gura+haize fanzinearen eta batbada proiektuaren aurkezpenak, Txoko poesia fondue ume eta gurasoentzako saioa, Rafa Rueda eta Txuma Murugarrenen kontzertuak eta Viskningar och rop (Gritos y susurros) filmaren emanaldia.

Gaztetxean egingo diren literatura emanaldiak ez dira aste honetara mugatuko. Hemendik aurrera ere poema errezitaldiak antolatzeko asmoa dago hilabetean behin, apiriletik aurrera.

Hemen egitarau osoa:

ASTELEHENA, 22

20:00 Amaia Jauregizar gernikarraren Azazkalak jaten liburuaren aurkezpena eta errezitaldia.

ASTEARTEA, 23

20:00 Mikrofonoak busti! Mikrofonoak zabalik izango ditugu nahi duenak norberaren edo beste norbaiten poemak irakurtzeko. Parte hartu nahi duenak idatzi diezagula.

Laguntzailea: Busti irratia

ASTEAZKENA, 24

20:00 Poesia komuneko paperean. Imanol eta Mattin Epelde. Poesia, antzerkia eta musika uztartzen dituen emanaldia, eszenatokia komun bihurtuta.

OSTEGUNA, 25

17:30 Txoko poesia fondue. Txokolatean oinarritutako saioa adin guztietako ume eta gurasoentzat. Antzezlan laburra; marrazketa, idazketa eta historia txokoa; musika; erakusketa eta nahi beste txokolate jateko!

Antolatzaileak: guraso jator batzuk

OSTIRALA, 26

19:30 gura+haize Busturialdeko literatura fanzinearen aurkezpena.

20:30 Bustilehorreko poemak (itsasoak eta jendea). Jose Luis Otamendi eta Juan Azpillaga. Robert J. Flaherty-ren “Aranngo jendea” (1934) dokumentala, Otamendiren “Erlojuen mekanika” poema liburua eta Juan Azpillagak bildutako doinuak oinarritzat hartzen dituen emanaldia.

22:30 Kontzertua: Txuma Murugarren (5 euro)

LARUNBATA, 27

19:00 Un frasco de veleno. Pozoi flasko bat. Ana Cibeira idazle galiziarraren errezitaldia galegoz eta euskaraz.

19:45 Slavoj Zizeken sudurra. Xabier Montoia.

20:30 Mikelazuloko kideen batbada proiektuaren aurkezpena.

22:30 Kontzertua: Rafa Rueda (5 euro)

IGANDEA, 28

18:00 Zine-kluba Pedro Duranarekin: Gritos y susurros (Ingmar Bergman).

Laguntzailea: Gernikako zine-kluba

ASTE OSOAN ZEHAR Ana Cibeiraren collage erakusketa